Nattarbeid gir tunnelstengingar på rv. 13 og rv. 7

Nattarbeid i fleire tunnelar på rv. 13 og rv. 7 fører til periodiske stengingar og trafikkregulering dei neste to vekene. Trafikantar blir oppmoda om å planleggje reisa og følgje med på trafikkmeldingar frå Statens vegvesen.

Denne veka og neste legg Statens vegvesen sprutbetong i fleire Hardanger-tunnelar. Foto: Statens vegvesen

Bilistar og transportnæringa må rekne med nattlege stengingar i fleire tunnelar på rv. 13 og rv. 7 dei neste to vekene. Statens vegvesen skal utføre vedlikehaldsarbeid med sprøytebetong som del av tunnelsikringa.

Arbeidet startar i Tyssedaltunnelen natt til 7. og 8. oktober, før det held fram i Stiganestunnelen, Kvernhushaugtunnelen og Storegjeltunnelen veka etter. Tunnelane blir stengde i periodar om natta, med kortare gjennomslepp mellom arbeidsøktene.

Vi beklagar ulempene arbeida medfører og oppmodar trafikantane om å planleggja reisene sine i samsvar med stengingsperiodane, seier Ivar Bergstrøm Lutro i Statens vegvesen.

Vegvesenet oppmodar trafikantar om å følgje med på Vegvesen Trafikk-appen og 175.no for oppdatert informasjon om stengingar og eventuelle endringar i framdrifta.

Les hele pressemeldingen

← Tilbake til nyhetsbrevet: Ukens nyhetsbrev - uke 41 2026 ← Tilbake til Region 4 Agder og Rogaland

Finn din transportør

Nattarbeid gir tunnelstengingar på rv. 13 og rv. 7