Det seier leiar i NLF i Hordaland, Jan Ove Halsøy, til lokalavisa Hordaland. Han synes brua er både flott å sjå på og fin å køyra over.
Liten trafikk
Brua som vart opna i august i fjor har ikkje så stor trafikk som prognose og budsjett la opp til. Dermed sviktar bominntektene.
Nå står det att 1,5 milliardar i gjeld som etter planen skulle vore nedbetalt i løpet av 14 år. Hvis trafikken ikkje aukar kan det ifølgje NRK føre til fleire år med bomavgift.
Over Hemsedal
Styreleiar Einar Lutro i Hardangerbrua AS trur at noko av årsaken til trafikksviken er at vegen gjennom Sogn og Hemsdal er kraftig rusta opp, og at mange vel den vegen i staden for brua over Hardangerfjorden.
– V tok kanskje ikkje tilstrekkeleg høgde for den opprustinga, innrømmer Lutro overfor NRK.
Sjå bildegalleri av bygginga her
Foto: Statens vegvesen
For seint
Halsøy deler synet til Lutro og meiner at brua kom på plass alt for seint.
– Brua hadde vore kjempebra for 15-20 år sidan, men i mellomtida har vegane på alle dei andre fjellovergangane vorte så mykje betre at yrkessjåførane har vent seg til å køyra der. Det er vanskeleg å bryta opp eit innarbeidd køyremønster, sier NLF-leiaren til lokalavisa.
Jan Ove Halsøy. Foto: NLF
Ikkje bortkasta
Sjølv om han åtvara mot dette på førehand synes han likevel ikkje brua er bortkasta. Den har mykje å seia for lokalsamfunna på begge sider av fjorden.
Han trur ikkje at det er bompengesatsane som gjer at tungtrafikken i så liten grad nyttar brua, men at det er den totale summen av alternative vegar og personlege vanar som er avgjerande.
VIDEO: Dette er ein flaskehals
.
FAKTA OM HARDANGERBRUA
- Hensikt: Erstatte ferjesambandet mellom Bruravik og Brimnes.
- Omfang: Hengebru med eit hovudspenn 1.310 m, totallengde 1.380 m. I tillegg er det bygd ein tunnel på 2.675 m og 800 m ny veg i dagen.
- Pris: 2,3 mrd. kr.
- Bygging: Starta i mars 2009 – opna i august 2013.
Kjelde: Statens vegvesen
.
ANDRE SAKER: